Jop ka Mynthong iaka Moosalyngkat haka1st Division WJDSA

Syllad | The Rising MeghalayaNovember 2, 2024

Ka Mynthong SC kala jop da 2-1 iaka Moosalyngkat haka jingialehkai 1st Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 2 tarik Naiwieng.

Ia kine ki ar kol ka Mynthong kala ioh thep lyngba u Waiphrangki Shadap (26) bad shikol kala mih paw haka dur ka own goal kaba thep da u Soolangki Phawa (26), katba shikol ka Moosalyngkat la thep da u Hambert Dkhar (82).

Ka Moosalyngkat da kane namarem kumjuh bad ka Sabahmuswang kibym shym la lah ialehkai bha mynta ka aiom ialehkai kila hap noh ban hiar sha ka kyrdan 2nd Division.

Haduh bala thoh iaka khubor ym pat lah tip mano ban rung sha ka semifnal na ka thup B bad dang hap ban ap iaka resol ka ban mih naka 4 tarik ka ban long hapdeng ka Mookyndur pyrshah iaka Khliehiongriang.

WJDSA 1st Div Football: Rung semifinal ka Sohmynting, duh ka Khimusniang, hiar ka Sabhamuswang sha ka 2nd Div