Jop ka Mowkyndeng Mulang Ialong bad ka Tympang haka Third Div ka WJDSA

Syllad | The Rising MeghalayaJuly 16, 2023

Ka Madankynsaw Mowkyndeng, Mulang Ialong bad Tympang kila khur namjop haka Third Division Football ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Kawei pat ka jingiakhun kala kut da kaba iakhaid da 1-1 hapdeng ka Nangbah Mooknor bad ka Lutituber Ialong. U Ebormi Lhuid 37′ ula thep iaka kol ka Lutituber Ialong bad u Ram Hinge 57′ ula thep iaka kol ka Nangbah Mooknor.

Ka Mulang Ialong kala jop 2-0 iaka Nangbah Khloopano. U Tellme Mulieh (36′ & 58′) ula thep marwei iaki ki ar kol.

Ka Madankynsaw Mowkyndeng kala jop da 4-1 iaka Kseh Sylle Ialong. Ia kine ki saw kol ka Madankynsaw la thep da u u L Passah 24′, DC Sayoo 27′, P Lamare 59′ bad u C Suchiang 65′. Shikol ka Kseh Sylle la thep da u Iah Dhar 20′

Ka jingiakhun kaba khatduh jong ka sngi, ka Tympang kala jop da 2-0 iaka FAM. Ia kine ki ar kol la thep da u Niwanoo Lamare 49′ bad u Dayoki Dkhar 70’+3.