Jop ka Moodymmai 2-0 iaka Saindur Mihmyntdu iakhaid 3 tylli ki jingiakhun haka Third Div ka WJDSA

Syllad | The Rising MeghalayaJuly 13, 2023

Ka Moodymmai kala jop da 2-0 pyrshah iaka Saindur Mihmyntdu, katba lai tyyli kiwei ki jingiakhun kila kut da kaba iakhaid haka Third Division Football kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Ki ar kol ka Moodymmai la thep da i Treimiki Passah 6′ bad u Minikor Ryngkhlem 34′

Ka jingiakhun kaba bud hapdeng ka Risingsun Mukhla pyrshah iaka Iooksi Youth Welfare kala kut khlem don mano mano ba ioh pynkhih jar.

Haka jingiakhun kaba lai hadpeng ka Lumsliar Sliar pyrshah iaka Mookynphad Mihmyndtu kala kut da 2-2. Na kaliang ka Lumsliar Sliar la thep da u Superor Ryngkhlem 31′ bad u Dame Dkhar 59′. Katba na ka Mookynphad pat la thep da u Wailad Shylla 36′ bad u Slamon Rymbai 43′.

Ka jingiakhun kaba khatduh ruh kala wai da kaba iakhaid hapdeng ka Khliehshnong Ialong pyrshah iaka Chyrmang Wah. Ha kane ka jingiakhun ym don mano mano ba ioh pynkhih iaka jar.