Jop ka Lumsohskie Lumshnong ha ka football ka Elaka Narpuh SA, lashai yn sdang ka quarterfinal

Syllad | The Rising MeghalayaNovember 19, 2021

Ka Lumsohskie FC kala jop da 2-0 kol pyrshah iaka Umstain B bad ka Lumshnong YWSC B 1 kala jop da 1-0 kol iaka Chiehruphi SYWC B haka jingikahun pre quarter final ka Elaka Narpuh Sports Association (ENSA) kaba long ha Umkiang haka sngi Thohdieng.

Ia ka kol jop ka Lumsohskie la thep da u Rahul Pohtam (22) bad Seilikus Dhar 35).

Katba iaka kol jop ka Lumshnong YWSC B1 la thep da u Jiyo Mukhi (46).

Da kane ka namjop ka Lumsohskie bad ka Lumshnong kila buh jaka ialade haka quarter final ka ban sdang lashai ka sngi 20 tarik.

Ka jingiakhun quarter final kaba nyngkong kan long hadpeng ka Ratacherra Lumtrom pyrshah Ratacherra CSC haka por 12:40 Pm ha madan shnong ka Umkiang.