Jop ka Lion da 3 wicket iaka Efty Utd rah iaka nam lahduh haka Open To All Cricket ka WJHDCA

Syllad | The Rising MeghalayaMay 15, 2023

Ka Lion Sports Youth Affairs kala jop da 3 wicket pyrshah iaka Efty United XI Mynso bad kala rah syndon iaka nam lahduh haka Open To All Cricket Tournament kaba long ha Madan Khliehtyrshi kaba pyniaid da ka West Jaintia Hills District Cricket Association haka sngi Saitjain.

Ha kane ka jingiakhun final iaka jingkynting pisa la jop da ka Efty United XI Mynso bad kala jied ban tied shuwa. Na kaa 32.2 over kala kamai 177/10. ki nongtied kiba la synniang sha ka jingkamai run ka Efty Utd ki kynthup ia u Sylvester Mylliempdah (79), Sanvert Kurkalang (28)

U Deibormi Rangad ula khyrwit 4 wicket bad Peterson Lamare bad Firstbornson Dkhar kila khur mar 2 wicket.

Ka Lion haba apoi ka pali jong ka ban behb ia ka thong kaba 178 kala pyndep hapoh 28.4 overs liem 7 wicket

U Nik Dan (58), u Peterson Lamare (35) bad Firstbornson Dkhar (30) ki la synniang khambun ka run sha u sup u thiar kamai run ka Lion, katba u Sylvester Mylliempdah ula khyrwit 4 wicket

U Deibormi Rangad ula khur iaka khusnam man of the match bad ka khusnam ioh bun wicket ha kane ka tournament. U Sylvester Mylliempdah jong ka Efty United XI Mynso ula ioh iaka Man of the Tournament bad ka khusnam ioh bun run.

Ha kane ka sngi la pynkup burom iaki nonghialeh kai kiba mihkhmat iaka jylal bad iaki umpire kiba la dep pyntbit ialade. U Sidharth Benerjee president ka Jaintia Cement Manufacturers Association, u Kitbok Rymbai Waheh shnong ka Khliehtyrshi kila wan sakhi ia kane ka jingiakhn kum ki kongsan bad symbud kongsan haka jingiadonlang ki nongialam bad ki dkhot ka WJHDCA