Jop ka Khliehshnong Ialong bad ka Chyrmang Wah haka 3rd Div ka WJDSA

Syllad | The Rising MeghalayaJune 13, 2023

Ka Khliehshnong Ïalong bad ka Chyrmang Wah ki la khur jingjop katba ka Myrjai bad ka Newhill kila iakhaid haka 3rd Division Football Tournament kaba tip kum ka 3rd U Adelbert Loloo Memorial Trophy kaba pyniaid da ka West Jaintia District Sports Association (WJDSA) ha madan Kiang Nangbah Stadium haka sngi Nyngkong.

Haka jingïalehkai kaba nyngkong ka Khliehshnong Ïalong ka la pynliem ïaka Mookaswan Dongñein 1-0 bad ïa kane ka kol la thep da u Saiñhikiru Pale haka minit kaba 8.

Haka jingïalehkai kaba bud ka jingïakhun hapdeng ka Myrjai pyrshah ïaka Newhill ka la kut khlem da lah ban pynkhih ïaka jar kol.

Haka jingïakhun kaba khatduh ka Chyrmang Wah ka la pynliem ïaka Salaroh da 3-0.

Ïa kine ki lai tylli ki kol jong ka Chyrmang wah la thep da u Niwan Syad haka minit kaba 8, u Wanskem Khlem 38 bad u Lamki Dkhar haka minit kaba 63.

Lashai ka sngi ka jingïakhun kan long hapdeng ka Lumbhahdakha pyrshah ïaka Moodop Royal haka por 12.30 baje shiteng sngi, ka Catholic Youth Mihmyntdu pyrshah ïaka Riatsaliya Mihmyntdu haka por 2.00 baje nohphai sngi, ka Mookyrdup pyrshah ïaka Mupliang haka por 3.30 baje nohphai sngi.