Jop ka Khimusniang haka sngi sdang 1st Div ka WJDSA

Syllad | The Rising MeghalayaOctober 5, 2024

Ka Khimusniang kala khur iaka jingjop pyrshah iaka Chutwakhu da 3-1 haka sngi sdang jong ka jingialehkai 1st Division Football Tournament-12th Chatister Kharkongor Memorial Trophy kaba long haka 4 tarik Risaw.

Ia kane ka lympung la pyniaid da ka West Jaintia District Sports Association (WJDSA) kaba long ha Kiang Nangbah Stadium.

Iaki lai kol jong ka Khimusniang la thep da u Deepson Tokbi (42), Sooki Lamare (51) bad Sanjini Dkhar (90+2). Shikol na kaliang ka Chutwakhu la thep da u Bathiang Surong (76).

Lashai ka sngi 5 tarik Risaw ka jingiakhun kan long hapdeng ka Dulong FC pyrshah iaka Sohmynting SC haka por 12.00 baje mynsngi.

Ka jingialehkai kaba bud kan long hadpeng ka Nangbah Iawmusiang pyrshah iaka Sabahmuswang SC haka por 2.30 baje nohphai sngi.