Jop ka Jarain SC haka sngi sdang iaka Super Div ka Amlarem Sub Divisional Sports Association

Syllad | The Rising MeghalayaOctober 15, 2023

Ka lympung ialehkai Super Division Football Tournamnet ba la pyniaid da ka Amlarem Sub Divisional Sports Association (ASSA) ka la sdang haka madan Mini Stadium Ladjaplem haka sngi Saitjain.

Ha kane ka sngi sdang ka Jarain SC ka la pynliem da 1-0 iaka YC Pdengkarong.

Kane ka kol kala mih paw haka dur jong ka own goal kaba la thep da u u Monday Mukhim kaba la biang pura iaka Jarain ban khur iaka namjop

Ka YC Pdengkarong hadien kane ka kol, ka la iakhun tyngeh ban ioh pyniakhaid hynrei tad haduh ban da kut ka por ialehkai ruh kam shym la lah satia ban pynkhih jar.

Ia kane ka lympung ialehkai Super Division, la wan ban plie iaka da u MLA ka thain u Bah Lahkmen Rymbui haka jingdonlang ki dkhot ka Amlarem Sub Divisional Sports Association bad ki riew ieid phutbol.

Haka 16 tarik ka jingiakhun kan long hapdeng ka Thangbuli YSWC pyrshah iaka Man I Bha SC haka por 2.30 baje nohphai sngi.

Ha kane ka lympung ialehkai la don 8 tylli ki kynhun kynthup ka Umladkhur SC, Dongmihsngi Mupyut, Seinbhalang Shkentalang FC, YC Pdengkarong, Amlarem Social Club, Man I Bha SC bad Jarain C&SC.