Jop ka Jalaphet Pyrdung bad ka Mulait Utd haka Super Div ka Saipung Block SA

Syllad | The Rising MeghalayaNovember 20, 2024

Ka Jalaphet Pyrdung SC bad Mulait United FC kila khur jingjop haka jingialehkai ialehkai Super Division Football Tournament kaba pyniaid da ka Saipung Block Sports Association (SBSA) haka madan ialehkai Lamyrsiang haka 19 tarik Naiwieng. 

Haka jingialehkai ka Jalaphet Pyrdung SC kala pynliem da 2-0 iaka Jalaphet Bri Sumer SC. Ia kine ki ar kol la thep da u Thinkwell Bareh (75) bad Sdangwan Chyrmang (90). 

Katba ka Mulait United FC kala jop da 4-0 iaka Shnongrim SC. Ia kine ki saw kol ka Mulait United FC la thep da u R. Lalbiakhna (16), u Ngammies Lal (30), u Rotobe (47) bad kawei pat kala mih paw haka dur ka own goal (33).

Ka jingialehkai kan bteng biang haka 22 tarik hapdeng ka Shongrim SC pyrshah iaka Tluh SC haka por 11.30 baje mynstep, ka Lymyrsiang pyrshah iaka Narwan SC haka por 1.30 baje nohphai sngi.