Jop ka Iatyllilang Hingaria haka 1sd Div ka EJHDFA

Syllad | The Rising MeghalayaOctober 23, 2024

Ka Iatyllilang SC Hingaria kala khur jingjop katba ka Mukhaialong SCSC bad Shilliang Umshong kila iakhaid haka 1st Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf Diengshynrum haka 23 tarik u Risaw

Haba phai sha ka jingialehkai ka Iatyllilang SC Hingaria kala pynliem da 3-1 iaka Pamrakmai SCSC.

Ia kine ki lai kol ka Iatyllilang SC Hingaria kala ioh thep lyngba u Joshwa Surong (25), Senchet Lamin (44) bad Filter Lapasam (76). Katba ka shikol ka Pamrakmai kala mih paw haka dur jong ka own goal kaba thep da u Arwi Pohti (18).

Ha kawei pat ka jingialehkai ka Mukhaialong SCSC pyrshah iaka Shilliang Umshong SC kala kut da kaba iakhaid mar 1-1.

Na kaliang ka Mukhaialong la thep da u Fairme Kyndait (17) bad na ka Shilliang Umshong la thep da u Hemanjoi Khongsai (43).

Haka 25 tarik Risaw ka jingialehkai kan long hapdeng ka Khliehriat West bad Wahiajer Narpuh haka por 12.00 baje mynsngi, ka Diengshynrum bad Byndihati haka por 2.30 baje nohphai sngi.