Jop ka Dulong Lutituber bad ka Mulang haka Independence Cup ka WJDSA

Syllad | The Rising MeghalayaAugust 4, 2022

Ki khynnah ialehkai ka Dulong, Lutituber Ialong bad ka Mulang Ialong kila khur namjop haka Under-17 Independence Day Cup kaba pyniaid da ka WJDSA kaba long ha Kiang Nangbah Stadium haka sngi Palei.

Ka namjop ka Lutituber Ialong kala wan hadien ba kala pynliem da 2-0 iaka Caroline Colony. Ia kine ki ar kol la thep da u Shwaki Dhar (28, 32).

Ka Dulong kala jop da 1-0 iaka Sailung Ialong. Ia kane ka kol la thep da u Samewan Swer (45).

Haka jingiakhun kaba khatduh ka Mulang Ialong kala jop 1-0 pyrshah iaka Lumpariat. Ia kane ka kol la thep da u Charelang Mulieh (44).

Lashai ka jingiakhun kan long hapdeng ka Lumpyrtuh Mihmyntdu pyrshah iaka Khimusniang, ka Chutwakhu pyrshah iaka Tpep Pale bad ka Demthring pyrshah iaka Mookynphang Mihmyntdu.