Jop ka Dulong, Khliehmyntang Ialong haka Independence Day Cup ka WJDSA

Syllad | The Rising MeghalayaAugust 3, 2024

Ka Khliehmyntang Ialong bad ka Dulong kila khur jingjop haka Under-17 Football Tournament kaba tip kum ka Independence Day Cup 2024 kaba pyniaid daka West Jaintia District Sports Association (WJDSA) kaba long ha Kiang Nangbah Stadium haka 2 tarik Nailar.

Haba phai sha ka jingialehkai, ka Khliehmyntang Ialong kala pynliem iaka Caroline 1-0. Ia kane ka shikol la thep da u Daiolang Pale (49).

Ha kawei ka jingiakhun ka Dulong ka la pynliem da 3-0 iaka Da ihi Mynsngat. Ia kine ki lai kol ka Dulong la thep da u Shwami Suchiang (8), Eristien Pakma (35) bad u Emonmi Hadia (60+3).

Ar tylli kiwei pat ki jingialehkai, kata hapdeng ka Pateinki Sabah pyrshah iaka Panaliar, ka Mookyndur pyrshah iaka FAM, kine ki jingiakhun kila kut noh da kaba iakhaid khlem don mano mano ba ioh pynkhih jar.

Haka sngi sdang ia kane ka lympung ka haka 1 tarik Nailar, ka Luti tuber Ialong kala pynliem iaka Katholik Youth Mihmyntdu da 3-1. Ka Da I hi Mynsngat kala pynliem iaka Dongmihsngi da 1-0.

Ka 7 Wasa kala pynliem iaka Khimusniang da 1-0 bad ka Mynthong kala pynliem iaka FAM da 2-0.