Jop ka Dulong 1-0 iaka Khimusniang, rung semifinal ka Chutwakhu haka 1st Div ka WJDSA

Syllad | The Rising MeghalayaOctober 30, 2024

Ka Dulong SC kala jop da 1-0 iaka Khimsniang SC haka jingialehkai 1^st Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 30 tarik u Risaw.

Ia kane ka shikol ka Dulong la thep da u Lovingstar Suting (42) bad kane ka kol kala neh haduh ba kut ka jingialehkai.

Da kane ka namrem ka Khimusniang kala pynlong iaka Chutwakhu ban buh jaka ialade haka kyrdan semifinal. Ka Chutwakhu kala kamai 10 point na ki san sien ialehkai, ka Khimusniang ka kamai 9 point na ka san sien iakhun naka pool A.

Ka Khimusniang kan ap sa na ka resol ka ban mih haka jingialehkai kaban long haka 31 tarik u Risaw hapdeng ka Sabahmuswang pyrshah iaka Sohmynting. Lada jop ka Sohmynting (kaba don mynta 7 point) kan buh jaka ialade haka kyrdan jong ka semifinal bad lada ka rem ne iakhaid ha kane jingiakhun ba khatduh jong ka, ka Khimusniang kan rung sha ka semifinal kaba don haka kyrdan kaba ar na ka pool A.

Katba na ka pool B pat dang sah sa lai tylli ki jingiakhun kiba hap ban pyndep kata hapdeng ka Mooknor pyrshah iaka Mukhla Evergreen ka ban long haka 1 tarik Naiwieng, Mynthong pyrshah iaka Moosalyngkat haka 2 tarik Naiwieng bad ka Mookyndur pyrshah Khliehiongriang haka 4 tarik Naiwieng.