Jop ka Chutwakhu haka T20 Cricket ka AJCA

Syllad | The Rising MeghalayaMarch 22, 2021

Ka Chutwakhu ka la khur jingjop haka lympung ïalehkai kriket kaba tip kum ka Open To All T20 Cricket Tournament 2021 ba la pynïaid da ka All Jaintia Cricket Association (AJCA).

Kane ka nam jop ka la wan hadien ba ka Chutwakhu ka la pynliem ïaka Lion Sports and Youth Affairs da 5 wicket haka jingïakhun kaba la long ha madan Jrisaleiñ, Chutwakhu haka sngi Nyngkong.

Haba phai shaka jingïakhun, ka Lion Sports and Youth Affairs ka la jop ïaka jingkynting pisa bad ka la kam trai ban tied nyngkong.

Haka jingtied ka Lion Sports and Youth Affairs ka la lah ban kamai haduh 136 ron naki 20 overs bad ka la hap noh 7 wickets.

U Kitboklang Rngad ula kamai 87 ron (15×4 bad 2×6) khlem hap haduh ba kut, u Jemi Laloo ula kamai 16 ron (2×4), u Armorando Shullai jong ka Chutwakhu ula ïoh khur 2 wickets na ki 4 Overs.

Haba beh ïaka thong ka Chutwakhu ka la lah ban kamai haduh 137 ron na ki 16.5 overs bad hap 5 wickets.

U Heimonmi Nongpluh ula kamai 49 ron (4×4 bad 3×6), u Bhuvnesh Kumar ula kamai 43 ron (3×4 bad 4×6) .

U Ebortre Dkhar, u Kitboklang Rngad, u Newson Pyrbot bad u Jemi Laloo jong ka Lion Sports and Youth Affairs ki la ïoh pynhap mar 1 wicket.

Ka jingïakhun haka 23-03-2021 kan long hapdeng ka Umshangiar pyrshah iaka Ummulong haka por 9:00 mynstep katba haka por 4.00 baje nohpahaisngi ka 4-Mowkaïaw United bad ïaka Moodymmai.