Jop ka Chaphrang Iong-I haka football ha Wahiajer

Syllad | The Rising MeghalayaOctober 10, 2024

Ka Chaphrang Iong-I FC kala khur jingjop haka jingialehkai 8th Invitation Knock Out Football Tournament ba la pyniaid da ka Wahiajer Sports Club ha madan Wahiajer Sports Complex haka 10 tarik Risaw.

Haka jingialehkai ka Chaphrang Iong-I FC kala pynliem da 4-1 iaka Shiparalok FC.

Iaki kol jong ka Chaphrang Iong-I FC la thep da u Wadshwa Lato (4), Marius Muksor (19) bad u Minikos Ryngkhlem (57, 71).

Shikol ka Shiparalok FC la thep da u Sumer Sohkhlet (31).

Iaka nam Man of the match la ioh da u Wadshwa Lato.

Ka jingialehkai kan bteng biang haka 12 tarik Risaw hadpeng ka Rymbai Skhenshynriah pyrshah iaka Thadmusem SC haka por 2.00 baje nohphai sngi.