Jop ka Amlarem LP School bad ka Padu Utd haka CM Under 12 Football

Syllad | The Rising MeghalayaMarch 31, 2023

Ka Amlarem Govt LP School bad ka Padu United FC (A) ki dei ki ar tylli ki skul ki ban mihkhmat sha ka district level hadien ba kila ioh khur namjop haka Block Level CM U-12 Football Tournament.

Ha ka jingiakhun final kaba long haka sngi Palei ha Amlarem, na ki kynthei ka Amlarem Govt LP School kala pynliem da ka tie breaker da 3-1 iaka padu United FC.

Katba na ki shynrang pat ka Padu United FC (A) kala pynliem da 1-0 iaka Padu United FC (B).

U Wansuk Lamin adviser ka Amlarem Sub Divisional Sports Association (ASSA) ula wan sakhi iaka jingiakhun kum u kongsan haka jingiadonlang u Sailon Syngkrem general secretary ASSA kum u symbud kongsan bad u DSO, West Jaintia Hills District ma Khroobok Passah.