Jop ka Amlarem haka Super Div, ka Sohkha Shnong, Padu Masku haka Lower Div haka ASSA

Syllad | The Rising MeghalayaNovember 27, 2024

Ka Amlarem SC kala jop da 4-0 iaka Umladkhur Sc haka Super Division kaba pyniaid da ka Amlarem Sub Divisional Sports Association (ASSA) kaba long ha madan Ladjaplem haka 26 tarik Naiwieng.

Ia kine ki saw kol ka Amlarem la thep mar ar kol da u Tip Rasmut (9, 49) bad Wanki Pohthmi (47, 83).

Haba phai sha ka jingialehkai Lower Division, ka jingiakhun kaba nyngkong kala kut da kaba iakhaid mar 1-1 hadpeng ka Hynriam SC bad Jarolod SC. Iaka kol jong ka Hynriam la thep da u Triostar Kassar (31) bad na kaliang Jaraload la thep da u Ashe Kassar (39).

Ka Sohkha Shnong Everlasting kala pynliem da 4-1 iaka Amsohrhong United. Iaki kol jong ka Sohkha la thep da u Michael Langar (2, 43), Arnest Lyngdoh (7, 24), katba iaka kol jong ka Amsohrhong la thep da u Merson Shylla (35).

Ka jingialehkai kaba khatduh, ka Padu Masku kala pynliem iaka Lajaplem da 2-0 bad ia kine ki kol la thep da u Wandilang Pohshna (27) bad Rimiki Pohshna (45).