Jop ka Amkoi, Satpator bad kiwei haka football ka ASSA

Syllad | The Rising MeghalayaNovember 25, 2024

Ka Amkoi, FB Satpator, Twah U Sdiah bad Lynshiang Amsyrwai kila khur jingjop haka jingialehkai Upper Division bad Lower Division Football Tournament ba la pyniaid da ka Amlarem Sub Divisional Sports Association (ASSA) kaba long ha madan Mini Staduim Ladpajlem, Amlarem haka 25 tarik Naiwieng.

Haka Upper Division ka Amkoi kala pynliem da 2-0 iaka Ammutong. Ia kine ki kol jong ka Amkoi la thep da u Lovis Pohtam (54) bad Jong Robert Lamin (73).

Haka kyrdan Lower Division, ka FB Satpator kala pynliem da 1-0 iaka Ryntih Amsohrhong lyngba ka kol ba la thep da u Dikaisiang Pasyad (23).

Haka jingialehkai kaba bud, ka Twah U Sdiah kala pynliem da 2-1 iaka Traki Mawngap. Iaka kol jong ka Traki Mawngap la thep da u Hopeson Langshiang (9), katba iaki kol jong ka Twah U Sdiah la thep da u Absalon Nyalang (43) bad (56).

Ha kawei pat ka jingialehkai ka Lynshiang Amsyrwai kala pynliem iaka Nongbareh Lyntiar da 1-0 lyngba ka kol ba la thep da u Amos Langshiang (9).