Jop bun kol ka Madanthad Thadmuthlong haka Third Div ka WJDSA

Syllad | The Rising MeghalayaJuly 11, 2023

Ka kynhun ialehkai jong ka Madanthad Thadmuthlong kala jop da 4-0 pyrshah iaka Samaro haka jingiakhun Third Division Football- ka Adelbert Laloo Memorial Trophy kaba pyniaid ka WJDSA kaba la sdang biang haka sngi Nyngkong ha Kiang Nangbah Stadium.

Ha kiwei pat ki jingiakhun ka Lumkhangdong Kyndongtuber kal jop da 2-1 iaka Lutituber Ialong, Nangbah Khloopano kala jop da 2-1 iaka Lumpyrtuh Mihmyntdu bad ka Mulang Ialong kala pynliem da 2-0 iaka Royal Pole Mihmyntdu.

Ha ka jingiakhun ka Madanthad Thadmuthlong, u Presious Tang ula khyrwit hattrick lyngba ki kol kiba ula thep haka 9′, 11′ & 13′. Shikol la thep da u Manhok Suchiang 40′.

Ia ki kol ka Lumkhangdong la thep da u Damepaia Shylla marwei haka minit kaba 24′ bad 56′. Shikol ka Lutituber la thep da u Leader Mulieh haka minit kaba 42′.

U Teibor Lamare ula thep ar kol 23′ bad 43′ kaba la lam lynti iaka Nangbah Khloopano ban khur jingjop. Katba ka kol ka Lumpyrtuh la thep da u Telme Rymbai haka minit kaba 33′.

Haka jingiakhun kaba khatduh jong ka sngi u Poisuk Dhar 58′ bad u Dangaitlamng Mulieh 67′ kila thep iaki 2 kol ka Mulang Ialong.