Jop bun kol ka Dongmihsngi Lutiuber haka Independence Cup iakhaid ka 2nd Div ka WJDSA

Syllad | The Rising MeghalayaJuly 29, 2022

Ka Dongmihsngi bad ka Luti Tuber Ialong kila lah haka ban khur iaka nam jop kaba bun kol haka lympung ialehkai football Under-17 Independence Day Cup jong ka WJDSA kaba long haka sngi Palei ha Kiang Nangbah Stadium.

Ka Dongmihsngi kala thep haduh 5-0 kol pyrshah iaka Chilliangraij. Ia kine ki kol la thep da mar ar kol da u Donbok Dhar (3, 25), Pyrkhat Sumer (45, 56) bad shi kol la thep da u Chanmi Phawa (57).

Ka Luti Tuber Ialong ka  jop da 4-0 iaka Catholic Youth Mihmyntdu. U namtam ha kane ka jingiakhun u dei u Iohbhah Dhar uba la khyrwit ia ka hattrick (27,53, 59) bad shi kol da u Richard Dhar (22)

Ar tylli kiwei pat ki jingiakhun, ka Loomkyrwiang kala jop da 1-0 kol iaka Royalpole Mihmyntdu. Ia kane ka kol la thep da Lamshwa Dkhar (42).

Ka Mookynphad Mihmyntdu kala pynliem 1-0 iaka Kseh Sylle Ialong. Ia kane ka shikol la thep da u Kynsai Chyrmang (8)

Haba phai sha ka second division football tournament- 5^th Debo Shullai Memorial Trophy, ka jingiakhun hapdeng ka Iawmulong Nartiang pyrshah iaka Mooknor Thadmuthlong kala wai da kaba iakhaid 1-1.

Na kaliang jong ka Nartiang la thep dda u Ebanskhem Nongtdeh (40+1), katba na ka Mooknor Thadmuthlong la thep da u Rimiki Suchiang (64)