Jop bun eh ka WJDSA haka lympung Meghalaya Youth League 2024

Syllad | The Rising MeghalayaAugust 5, 2024

Ka West Jaintia District Sports Association (WJDSA) ka dei ka kynhun kaba la jop bun eh ha ka sngi kaba lai jong ka lympung ialehkai phutbol “Meghalaya Youth League 2024,” kata da kaba jop kput ha baroh ki artylli ki lympung ialehkai U-14 bad U-16.

Ka WJDSA kum ka nongpdiang iaka Laskein Block Sports Association haka jingialehkai kaba la long ha ka 3 tarik Nailar haka U-16 kala jop da 5-1, kata hadien ba ka la lah ban pynrem haduh 12-0 ha ka jingialehkai jong ka U-14. Ha kane ka jingialehkai kala mih paw ar tylli ki hattrick kaba la klhyrwit da u Ram Passah bad u Kaisarmi Dkhar, haka jingialehkai kaba long ha Kiang Nangbah Stadium.

Hadien ki artylli ki jingiakhun kiba ha la ka jong ka rta, ka WJDSA ka la lamkhmat ha ka Zone B da kaba ioh ban khur 6-point ha kawei pa kawei ka division.

Hadien ba la iakhun sa ha kawei pat ka jingialehkai, ka Ri-Bhoi District Sports Association ka la long ka kynhun kaba nyngkong eh ban kynjoh sha ka 9 poin ha kyrdan U-16 da kaba jop 5-0 ia ka Western Ri-Bhoi Sports Association ha ka Zone C ha ka jingialehkai ba la pynlong ha Umdihar Mini Stadium. U Me-u-ba-ai Sumer jong ka RBDSA u la kylla long u nongialehkai uban ioh thep bun kol tam ha kane ka rta iakop hadien ba u la ioh ban thep haduh 3 kol pyrshah ia ka Western Ri Bhoi, kaba la pynlong ia u ba un kynjoh sha ka 5 kol baroh haduh mynta.

Ha ka U-14 division ha kaba ka RBDSA kam shym la iakhun ha kane ka sngi kut taiew, ka Pyndengumiong District Sports Association ka la long kaba nyngkong eh ban ioh khur ia ka  9 poin da kaba jop 1-0 pyrshah ia ka Nongstoin District Sports Association ha ka Zone D ha ka jingialehkai ba la pynlong ha Dommawlum Playground, kata ha ka jingiakhun hapdeng ki kynhun kiba mar ia khlainbor tam napoh ka kynhun. 

Kumjuh ha ka Zone D, ka Mawshynrut Sports Association ka la iakhun pyrshah ia ka Tyrsad Area Sports Association ha Riangdo Playground. Ym pat shym la don napdeng kine  ki ban ioh thep kol ha ka jingialehkai ba la dep jong ka U-14, kumta kane ka la pynlong ia ki ba kin ioh khur lang katto katne ki poin. Hynrei, ha kaba kut ka Mawshynrut ka la ioh ban khur ia ka jingjop da 3-1.

Ka result U-14 jong ka 3 tarik Nailar:

Zone A – North Garo Hills District Sport Association 2 – 1 Tura District Football Association, Resubelpara Mini Stadium

Zone B – West Jaintia District Sports Association 12 – 0 Laskein Block Sports Association; Kiang Nangbah Stadium

Zone B – Amlarem Block Sports Association 0 – 0 (Jingialehkai ba khlem pyniakhun. Baroh ar ki ioh mar 1 point) Saipung Block Sports Association; Ladjaplem Football Ground

Zone C – Sohra Sports Association 0 – 0 (Jingialehkai ba khlem iakhun. Baroh ar ki ioh mar 1 point) Riwar Mihngi Football Association; Mawparo Football Ground

Zone D – Pyndengumiong District Sports Association 1 – 0 Nongstoin District Sports Association; Dommawlum Playground

Zone D – Eastern Border Sport Association 0 – 0 (Jingialehkai ba khlem iakhun. Baroh ar ki ioh mar 1 point) Mawkyrwat District Sports Association; Dewbyrtha Playground

Zone D – Mawshynrut Sports Association 3 – 1 Tyrsad Area Sports Association; Riangdo Playground

Ka result U-16 jong ka 3 tarik Nailar:

Zone A – North Garo Hills District Sport Association 1 – 1 Tura District Football Association; Resubelpara Mini Stadium

Zone B – West Jaintia District Sports Association 5 – 1 Laskein Block Sports Association; Kiang Nangbah Stadium

Zone B – Amlarem Block Sports Association 2 – 2 Saipung Block Sports Association; Ladjaplem Football Ground

Zone C – Sohra Sports Association 0 – 0 (Jingialehkai ba khlem iakhun. Baroh ar ki ioh mar 1 poin) Riwar Mihngi Football Association; Mawparo Football Ground

Zone C – Ri-Bhoi District Sports Association 5 – 0 Western Ri-Bhoi Sports Association; Umdihar Mini Stadium

Zone D – Pyndengumiong District Sports Association 2 – 2 Nongstoin District Sports Association; Dommawlum Playground

Zone D – Eastern Border Sport Association 3 – 0 Mawkyrwat District Sports Association; Dewbyrtha Playground

Zone D – Mawshynrut Sports Association 2 – 2 Tyrsad Area Sports Association; Riangdo Playground