Jingpynbeit iaid kali ha Jowai naduh 17-19 tarik Iaiong
Na ka bynta ka jingiaid beit iaid ryntih ha ka jingpynlong ia ka ilekshon Lok Sabha 2024, bad khnang ban pynsuk ia ka leit ka wan jong ki kynhun pyniaid ilekshon jong ki party na ki polling station jong ki ha ka 17 bad 18 tarik mynta u bnai, bad na ka bynta ban lait na ka jingdheng kali ha ka 19 tarik mynta u bnai kaba dei ka sngi thep vote na ka bynta ka ilekshon Lok Sabha, na ka liang u Superintendent of Police ka West Jaintia Hills u la pynbeit ha kaba iadei bad ka leit ka wan jong ki kali ha ki bynta jong ka district.
La pynbeit ba ha ka 17 bad ka 18 tarik mynta u bnai naduh ka por 8 baje mynstep shaneng yn ym shah rung kali (No Entry) napoh lad DC sha madan Jrisalein, kumjuh yn ym shah rung kali na lad HK Singh kaba lam sha madan Jrisalein. Baroh shilynter ka lynti na Jrisalein shapoh DC kan dei ka shilynti ne ‘One Way.’
Katba ha ka 19 tarik mynta u bnai naduh ka por 3:00 baje janmiet la khang ban rung kali na lad Thomas Jones shapoh DC Office. Ym shah rung kali na Tpeppale sha Iawmusiang, kumjuh na ka surok Mission Compound sha Iawmusiang /DC Office.
La khang ruh ban rung kali na ki laitylli ki lad ka HK Singh shapoh DC Office kumjuh na Dawki Stand shapoh DC Office.
Baroh ki kali kiba wan na ka liang Riastsiatsim yn pyniaid noh sha Mynthong (Na ka liang District Library). Baroh ki kali kiba wan na Khimmusniang/Jrisalein yn pyniaid na ka lynti Chutwakhu.
Baroh ki kali kiba wan lyngba ka surok na ka thain New Hill/Shillong yn pyniaid na Kynruh Saphlang bad Thomas Jones.
Katba ha ka 19 tarik mynta u bnai ia baroh ki sawtylli ki jaka pynieng kali ha Iawmusiang yn pynkynriah noh naduh ka por 2 baje nohphai sngi shaneng.
Facebook
Instagram
Youtube
Twitter
Leave a Reply