Jied Waheh Shnong thymmai ka Dorbar Shnong Mukhaialong

Syllad | The Rising MeghalayaMay 1, 2019

JOWAI: U Ma Hundred Phawa, u Secretary Shnong barim ka Mukhaialong ula shah jied kum u Waheh Shnong ka Dorbar Shnong Mukhaialong.

La jied ruh ïa u Ma Hima Sana kum u Symbud Waheh Shnong, Secretary Shnong u Ma T Sana, Assistant Secretary u Ma D Kyndait, U Ma Phool Kyndait kum u Chairman Shnong. La jied ruh 12 ngut ki dkhot executive committee ka dorbar shnong Mukhaialong.

Kane ka jingjied nongkitkam ka shnong Mukhaialong kala long haka 30 tarik u Iaiong haka jingiadonlang u Dolloi ka Elaka Jowai, Ma Puramon Kynjing.

U Waheh Shnong thymmai ula ioh ka jingshaniah u paidbah haka jingiarah kti wat la don ka jingtyrwa na u paid nongshong shnong ban pynneh biang u Waheh Shnong barim u Ma Rimiki Sana uba la bat iaka kam Waheh Shnong la lai snem. U Dolloi ula pynbna paidbah ba u Ma Hundred Phawa udei u Waheh Shnong thymmai ka Dorbar Shnong Mukhlaialong