Jam ka Nangbah Mulang sha ka semifinal haka invitation football ha Wahiajer

Syllad | The Rising MeghalayaNovember 29, 2024

Ka Nangbah Mulang kala jam sha ka kyrdan semifinal hadien ba kala jop da 7-0 iaka Friends Utd haka jingiakhun quarterfinal ba nyngkong haka Invitation Knock Out Football Tournament kaba pyniaid da ka Wahiajer Sports Club ha madan Wahiajer Sports Complex haka 29 tarik Naiwieng.

Ia kine ki 7 kol ka Nangbah Mulang la thep da u Jeffrey Nongrud (30), KL Chama (40+3), Karan Sharma (44), Pai Gangtei (53), Balten Kharlung (68), Jagu Rao (70) bad Dinaman Singh (73).

U Jeffrey Nongrud ula khur ruh iaka khusnam man of the match naka jingialehkai bha ha kane ka jngiakhun.

Ka quarterfinal kaba ar kan long haka 4 tarik Nohprah hapdeng ka Jalapang SC pyrshah iaka YBSC Shella haka por 1:30 baje nohphai sngi.