Ioh Waheh Chnong thymmai ka Iooksi Iapkhla

Syllad | The Rising MeghalayaApril 18, 2023

Ka Dorbar Shnong Iooksi Iapkhla kala ioh ban jied ia u waheh shnong thymmai jong ka naka bynta ka samoi treikam 2023-26 haka sngi Nyngkong.

Ha kane ka jingjied waheh shnong thymmai, u ma Histokrist Pachiang ula shah jied kum u waheh shnong ba thymmai jong kane ka shnong. Ha kane ka jingiajied waheh shnong la iadonlang u Dolloi ka Elaka Raliang, Ma Chawas Lyngdoh.

U Ma Ioanis Manar ula shah jied biang kum u secretary shnong.

U Ma Histokrist Pachiang ula ai khublei iaki paidbah nongshong shnong kiba la ibit ha u ban kit iaka lyngkor kum u waheh shnong. Ula kyntu ia uwei pa uwei u nongshong shnong ban iatreilang na ka bynta ban wanrah iaka miat ka bha bad ka roi ka par jong ka shnong.

Ula ai pynpaw ruh iaka jingsngewnguh ia u Dolloi uba la shimkhia ban iadonlang na ka bynta ban jied iaki nongkitkam ka shnong.