Ioh pdiang khaw ba sniew ka shnong Thangrain, ujor ka KSU

Syllad | The Rising MeghalayaApril 9, 2024

Ka Khasi Students Union (KSU) Thangrain Unit ha ryngkat ka Dorbar Shnong ha ka 8 tarik mynta u bnai ki la leit ban iakynduh ia ka Additional Deputy Commissioner ka West Jaintia Hills ban pan jingshai ha kaba iadei bad ka jingioh pdiang jong ki nongshong shnong da u Khaw rashon uba sniew shaba palat liam bad uba i shyrkhei wat ban peit da ki khmat ruh. 

Ha kane ka jingiakynduh na ka liang ka Additional DC ka la kular ban shimkhia halor kane ka phang, bad na ka liang ka Seng ruh ka la dawa ba dei ban ai bujli da uwei pat u khaw ha ka jaka jong une u khaw uba sniew, kata da kaba ai por ruh shitaiew ban ai ka jingpynshai halor kane ka jingioh pdiang ia uba kum une u jait khaw uba sniew tasam.

Ka Seng ha u kyrwoh lyngba u samla Lamdaki Myrchiang publicity secretary ka la ong ruh ba ha kane ka  jingleit iakynduh ka Seng ka la pynpaw ka jingbitar ia ka jingphah wan mih jong ka Inspector of Supply ban iakynduh ia ki nongialam shnong hynrei ha kaba kam shym la don satia hapoh ophis treikam jong ka.