Ioh pdiang ka NEDFi ia ka khusnam “ET Govt Digitech Award 2023″ 

Syllad | The Rising MeghalayaAugust 7, 2023

Ka (North Eastern Development Finance Corporation Ltd) NEDFi ka la jop ia ka khusnam “Economic Times Govt Digitech Award 2023” ha ka kyrdan ban pynkiew ia ka pule puthi lyngba ki kor ki bor thymmai (Digital Solution) .

Ka NEDFi ka la jop ia kane ka khusnam na ka bynta ka portal ba ka la pynmih kata ka ‘Advancing North East Portal.’ Kane ka portal kaba la shna da ka NEDFi la bei tyngka da ka North Eastern Council (NEC), Ministry of DoNER, Govt of India.

Lyngba kane ka portal bad kumjuh ka mobile app, ka NEDFi ka la lah ban ai jingpyntip bad jingpynshai ha kaba iadei bad ki jaka pule puthi bad ka kam ka jam na ka bynta palat 10 lak ngut ki khynnah pule jong ka thain Shatei Lam Mihngi (Northeast).

Ka NEDFi ka dang trei ruh ban pynkhlain ia ka bhah sengkam sengjam la jong ha kane ka thain. Ki SorkarJylla jong ka thain shatei lam mihngi ki la iasnohkti lang ruh bad ka NEDFi ha kane ka jingthmu ka jong ka.

Ka NEDFi ka la ioh ia ka jingjop napdeng ki 300 tylli kum kine ki jait jingpynshai (digital initiative) ba la sdang da ki 20 tylli ki jylla na ka Ri India. Ki nongbishar ha kane ka award ki dei ki riewpawkhmat ka Ri kiba kynthup kum ki Retired Ophisar, ki heh ka sorkar India bad ki nonghikai ka skul bah ka Indian Institute of Management.

Ha kaba iadei bad ka ka jingpynkup burom ia ka NEDFi la pdiang da u  SK Baruah Executive Director, Lemli Loyi  General Manager bad u  PrithvirajNeog Assistant Manager ,NEDFi ia kaba la pynlong ha Grand Hayatt ,Goa ha ka 5 tarik mynta u bnai.