Ioh kurup ki pulit East Jaintia Hills ia u drok heroin 24.76 gram, shah kem uwei
![](https://www.syllad.com/wp-content/uploads/2024/04/ICFAI-2024-jpg.webp)
Ki bor pulit ka East Jaintia Hills ha ka step jong ka 25 tarik Jymmang ki la ioh ban kurup ia u drok heroin uba khia haduh kumba 24.76-gram bad kem noh ruh ia u briew uba donkti.
La iathuh ba ki pulit kila pynlong iaka jingpynap shrip ha Lumshnong haka por kumba 6:30 mynstep bad ki la bat ioh ia kawei ka kali Tata Sumo kaba don ia u registration number ML05 Q 6270, ba la niah da uwei u briew uba la tip kyrteng kum u Alfred R Buhril, uba shong ba sah ha Lumjingsuk Block A, Madanrting, East Khasi Hills District.
![](https://www.syllad.com/wp-content/uploads/2024/07/Scam-Alert-845x1024.avif)
Hadien ba la pynlong ia ka jingtalasi la lapdien ia ki artylli ki synduk sabon ba la thep ia u kynja powder bad hadien ba la leh ia ka test la shem ba u dei u drok heroin uba don ia ka jingkhia kaba haduh kumba 24.76 grams.
Na ka liang ki pulit ki la kurup noh ia une u drok kumjuh ia kane ka kali ba la pyndonkam kynthup ia kawei ka mobile phone, bad la registar case pyrshah ia une u briew hapoh ki kyndon NDPS Act bad ka jingtohkit ka dang iaid shakhmat.
Leave a Reply