Ioh kurup ki BSF haduh 88 tylli ki masi ba thmu shalan sha Bangladesh

Syllad | The Rising MeghalayaJuly 29, 2023

Ki shipai iada khappud (BSF) ka Meghalaya mynta ka sngi 29 tarik ki la ioh ban kurup noh haduh 58 tylli ki masi ia kiba la thynnian hapoh ki artylli ki trok na ka lynti surok Ichamati -Shella, East Khasi Hills ia kiba la thmu ban pynpoi sha ki jaka khappud ka ri bad ban khaii beain shapoh Bangladesh.

Hadien kane ia kine ki masi ba la ioh kurup kumjuh ia kine ki kali la aiti noh sha ka tnat pulit na ka bynta ban leh shuh shuh ia kaba donkam.

Ha kawei pat ka jingkhynra ki shipai BSF ki la ioh ban kurup noh ia 30 tylli ki masi na ki jaka khappud ka East Khasi Hills ia kiba la thmu ban khaii shapoh Bangladesh.

Ia kine ki masi la aiti noh shapoh PS – Dangar na ka bynta ban leh ia kaba donkam. Ka jingpynjur ia ka jingpahara da kane ka tnat shipai ha ki jaka khappud jong ka ri ka la pynlong ba kin ioh ban kurup haduh palat 2000 tylli ki masi na ki thain khappud bapher bapher ka Meghalaya naduh u bnai Kyllalyngkot 2023.