Ioh kurup ki BSF haduh 69 tylli ki masi ba thmu ban khaii beain shapoh Bangladesh

Syllad | The Rising MeghalayaApril 20, 2025

Ki shipai Border Security Force (BSF) Meghalaya na ka 193 battalion ka ha ka 19 tarik Iaiong ki la lah ban pynpulom noh ia ka jingthmu khaii tuh ia ki masi lyngba ki jaka khappud ka Jylla shapoh Bangladesh.

Hadien ba la ioh ia ka jingtip kaba thikna ki BSF ki la pynlong ia ka jingkhynra kaba la pynkhreh bha ha kaba ki la lah ban pynpulom  noh ia kane ka jingthmu khaii tuh ia ki masi shapoh Bangladesh da kaba ioh ban kurup noh haduh 69 tylli ki masi na kitei ki jaka khappud ka Jylla.

Ia kine ki masi la lapdien na kawei ka jaka khlaw hajan khappud jong ka ri da ka jingthmu ban khaii tuh shapoh Bangladesh lyngba ki jaka khappud jong ka East Khasi Hills District.

Lap dien iaka kynhun pynrung tuh ia ki nong Bangladesh sha India, kem ki pulit Meghalaya 3 ngut na Mumbai kurup iaki kot ki sla thok

Na ka liang ki shipai BSF ki dang iai bteng ban long kiba peitngor bad pyrkhing ia ka jingpahara ha lynter ki jaka khappud ha ryngkat ka jingiatreilang bad ki tnad pulit ka jylla da ka jingthmu ban khanglad ia ki kam khaii tuh bad kiwei kiwei pat ki kam bymman.

Ia kitei ki masi ba la ioh kurup ki BSF ki la aiti noh sha ki bor pulit ba dei khmih na ka bynta ban pynlong shuh shuh ia ka jingtohkit bad ban leh ia kaba donkam katkum ka ain.