Ïoh jingkoit u heprit ba 8 snem na Shillong lyngba ka jingsumar Stem Cell Therapy

Syllad | The Rising MeghalayaApril 18, 2019

SHILLONG: Ka rukom ai jingsumar bathymmai kaba la tip kyrteng kum ka Stem Cell therapy ka la kylla long ka jingkyrkhu bah u heprit Ethan Nongbet ba 8 snem namar u la ioh ia ka jingkoit jingkhiah hadien ba u hap mad ia ka jingshitom kaba jur ha ka met ka phad jong u haduh ba shipor ka la pynkhuslai shikadei eh ia ki kmie ki kpa jong u.

U heprit Ethan la kha ia kum u khyllung uba koit ba khiah hynrei ynda u la kynjoh ia ka rta kaba 7 bnai u la ioh kem kynsan ia ka jingpang Pneumonia bad u la shem jingeh ban ring bad pynhiar mynsiem bad ki hap ban leit rah sha hospital ar sien shi snem tad haduh ban da kynjoh ia ka rta kaba 4 snem, iathuh I kong Ivoreen Nongbet.

Lai snem  kynthih, i heprit Ethan u la sdang ban ioh kem ia ka jingpang kaba ktah ia ka met baroh kawei.  Ha ka rta kaba 7 snem u la shem jingeh wat ban iaid bad ka jingkhia ruh ka la nang hiar arsut.  Hadien ba la leh ia ka CPK test la pynthikna ba une u heprit u la ioh ia ka jingpang ha ki shyieng (Muscular Dystrophy) naduh u Nailar, 2018.  Hadien ba la pyndep ia ki Test baroh, la pynthikna ba i heprit Ethan i ioh ia ka jingpang, Duchenne Muscular Dystrophy.

Ki doctor ki la bthah ia i Kong Ivoreen ban sumar lyngba ka Stem Cell Therapy bad lyngba ka jingpeit ia ki video lyngba ha YouTube, I la pdiang ia kane ka rukom sumar.

La rah ia u Ethan sha NeuroGen BSI ha u Naiwieng 2018 bad leh ia ka jingsumar NRRT (Neuro Regenerative Rehabilitation Therapy).  Dei lyngba kane ka jingsumar, u heprit Ethan u la lah ban ioh jingkoit suki pa suki lyngba ka jingsumar bad ka jingiarap da ki Physiotherapist, Occupational Therapist, Psychological Counsellor bad kiwei kiwei.

Ka NeuroGen Brain and Spine Institute, kaba don ha ka sorbah Mumbai kaba long kawei na ki jaka sumar bapawkhmat ha ka ri India ha kaba iadei bad ka jingpang ha ki shyieng (Stem Cell  Therapy) kaba don ruh ia ka Rehabilitation Centre. Ka ai jingsumar ruh lyngba ka Stem Cell Therapy kum ha ka jingpang Autism, Cerebral Palsy, Mental Retardation, Brain Stroke, Muscular Dystrophy, Spinal Cord Injury, Head Injury, Cerebellar Ataxia, Dementia, Motor Meuron Disease, Multiple Sclerosis bad ka jingpang Meuropsychiatric.  Haduh mynta, kane ka shlem ai jingsumar ka la lah ban pynkoit  palat 8000 hajar ngut ki nongpang na ki 60 tylli ki ri.

Ki la wan iakynduh ruh ia u Myntri Rangbah, u Conrad K Sangma bad ia u Secretary ka tnat ka Koit Khiah ka Sorkar Jylla, u Pravin Bakshi na ka bynta ban pan jingbit ban pynlong ia ka Medical Camp ha kane ka nongbah Shillong khnang ba ki longiing kiba duk kin ym donkam satia ban leit shah sumar shaduh Mumbai,” ong ka Head Surgical Services jong ka Neurogen Brain & Spine Institute ka Dr. Risha Bansod ha ka jingiakynduh bad ki lad pathai khubor hynne ka sngi palei ha nongbah Shillong.

Ka Dr. Bansod ka la iathuh ba dei ka NeuroGen BSI ka jaka sumar ia kine ki jait jingpang ha ka pyrthei baroh kawei.

Ka NeuroGen Brain and Spine Institute kan sa pynlong ia ka Medical Camp bad ka OPD Consultation Camp ha ka 28 tarik mynta u bnai ha sorbah Guwahati, Assam na ka bynta ki nongpang kiba shong basah ha ka thaiñ Shatei Lammihngi jong ka ri India.  Kane ka camp kan iarap ia ki nongpang ha ka jingpang budlum, jingpang ha ki shyieng, ka jingpang khlieh, ka jingpang jabieng, bad kiwei kiwei.  Namarba ka long kaba eh ba ki nongpang kin leit shaduh Mumbai na ka jingjngai ka leit ka wan, namarkata, ki nongpang ki lah ban ban wan sha kane ka Camp da kaba phone ha u nombar I Mona 09920200400 / Pushkala 09821529653.