Ioh doh pasoh u Bah Pyniaid & ka khaïi pateng sha u Bah Paul

Syllad | The Rising MeghalayaMarch 8, 2019

SHILLONG: Tang hadien shi sngi ba shah jied kum u Chief Executive Member (CEM) jong ka Khasi Hills Autonomous District Council (KHADC) u Bah Teinwell Dkhar u la bhah kam ia ki dkhot jong ka executive committee mynta ka sngi.

U Bah Dkhar u la bat ïalade ia ka tnat General Administration, Forest, Establishment, Law & Legal matters, Posting & Appointment bad kino kino ki tnat bym bat kino kino ki Executive Members

U Bah Pyniaid Sing Syiem nalor ba u la ïoh ïa ka shuki Deputy CEM u la ïoh sa ia ka doh pasoh ha kaba ula ioh ia ka tnat pla tyngka ne Finance bad u khlieh ia ki elaka ne Elaka Administration.

U Bah Titos Starwell Chyne, Executive Member u la hap ban shu hun da ka tnat Council Building including Council Asset, Planning bad traditional medicine.

U Bah Martle Mukhim, Executive Member un peit ia ka tnat Development bad Marriage and Divorce katba u Bah Jambor War Executive Member u la ioh ia ka tnat Market bad Fisheries

U MLA barim ka Jaiaw bad u MDC bathymmai ka Jaiaw u Bah Paul Lyngdoh Executive Member un peit ia ka tnat khaii pateng ne Trade, ka Khasi Hills Autonomous District (Land development & Building) Regulation 2015 & Education katba u Bah Victor Ranee, Executive Member un khmih ia ka tnat Revenue Collection, Health bad Sanitation.

U Bah Teiborlang Pathaw Executive Member yn pyniaid ia ka tnat Labour Licenses bad Enforcement bad u Mitchell Wankar Executive Member un khmih ia ka tnat Town Committees, Lands, Mines and Minerals.

Ka Executive Member kynthei ba marwei ka kong Magadalene Sawkmie Mawlong ka la ioh ia ka tnat Taxation, Information & technology bad u Bah Rangkynsai Kharbuki Executive Member un pyniaid ia ka tnat Youth Affairs Water Resources bad Art & Cultures.