Ingkhong ka kali jong ka tnat Water Resources na ka jingshah kawang petrol bom ha Shillong

Syllad | The Rising MeghalayaMay 3, 2024

Kawei ka kali sorkar kaba dei jong ka Tnat Water Resources ka la ingkhong khait na ka jingshah kawang petrol bom ha ki runar ki bym lah satia ban ithuh ha nongbah Shillong haka por kumba 9 baje mynmiet.

Kane ka kali Bolero kaba don ia u nombor ML 01 A 0175 ka la ngat ha kane ka jingshah thombor ha ki runar  katba ka dang pynieng hakhmat jong ka ophis, ong ka khubor pulit.

La suba jur ba ki runar ki la kawang ia une u petrol bom na shabar ka phyllaw jong ka ophis.

Halor kane ka jingjia na ka liang ki pulit kia registar case bad ka jingtohkit kala iaid shakhmat ban ioh kem ia ki briew kiba donkti.

Lah ban kdew ba kane ka jingjia ka lawan long ruh tang shi sngi hadien ba u Deputy Commissioner ka East Khasi Hills u la pynmih ia ka jingbthah ia baroh ki ophis sorkar ba kin long kiba husiar bad peitngor bha ia la ki jong ki kali da kaba pynieng ha ki ha ki jaka kiba shngain.