Iasoh UDP u MDC ka NPP bad ki nongkyrshan na Sutnga Saipung

Syllad | The Rising MeghalayaFebruary 7, 2023

U MDC ka National People’s Party (NPP) na Saipung u Arborhima Darnei ula pyniasoh noh ialade sha ka United democratic Party (UDP) ban ai ka jingkyrshan kaba pura ia u ma Shitlang Pale u MLA ka thain 5-Sutnga Saipung u ban iakhun biang iaka elekshon MLA mynta ka kynti.

U Arborhima Darnei ryngkat bad ki spah ngut ki nongkyrshan jong u haka sngi Nyngkong kila rai ban kyrshan tylli ia u ma Shitlang Pale namar ba ki iohi ba ka jingkyrmen ka don ha u ma Shitlang uba la shakri iaka thain kum u MLA bad uba tip iaka eh ka shon ki nongshong shnong ka 5 sutnga constituency baroh kawei.

Une u MDC ula ong ba kila rai ban kyrshan pura ia u ma Shitlang Pale namar ka jingshim khia jong u kum u nongmihkhmat ban peit iaka khia ka shon jong ka thaiñ hi baroh kawei ha ki snem kiba la dep.

U Arborhima ula ula ong ba dei namar ka jingshimkhia u ma Shitlang ba Sutnga Saipung kala ioh bun tylli ki surok kiba pyniasoh ia bun tylli ki shnong kiba don haka thaiñ Saipung, ha Thuruk bad u la lah ruh ban pynioh ïa ki jingkieng ba heh haka wah Lunar ha shnong Khaddum bad ha ka wah Khynriam kaba don hapdeng ka surok Saibual bad Moulasei.

Ula ong ba dei tang ha une u MLA watla um don haka bor synshar hynrei kum u MLA, u Ma Shitlang Pale ula pyrshang ban wanrah iaka roi ka par,haka thain kaba la pynlong iaki ban rai ban ai ka jingkyrshan ban pynjop biang ia u ban un lah shuh shuh ban shakri khambha iaka thain Sutnga Saipung.