Iasoh FKJGP 35 ngut bad pynthymmai nongkitkam ha Laskein Circle

Syllad | The Rising MeghalayaDecember 14, 2020

Ka Federation of Khasi Jaintia and Garo People (FKJGP) haka sngi Saitjaiñ kala pdiang iaki 35 ngut ki samla kiba la wan ban pynïasoh ialade bad ka FKJGP.

Ia kane ka jingpdiang ia kine i dkhot thymmai la pynlong ha u Lumtiniang, Mowtyrshiah. Ha kane ka kajuh sngi la pynthymmai ïaki dkhot nongkitkam jong ka Laskeiñ Circle.

Hashwa ka jingpynbam smai ka la don shwa ka jingïalang ba la pynïaid da u Wympher Wann Secretary FKJGP West Jaintia Hills bad ka jingkren pdiang burom na u Danny Shadap Vice President FKJGP.

U Bah Jeo Marweiñ President barim jong ka FKJGP ula pashat ki kyntien sneng kyntien kraw ïaki dkhot nongkitkam thymmai. Ula ka FKJGP ka don ïaka nongrim kaba skhem bad ka la leh shibun ki kam kiba bha naka bynta ka jaitbynriew bad ïaka Jylla baroh kawei.

Kiwei de kiba la ai jingkren ki long ka Ibawanpyntngen Law President women’s Wing, u Tuesday Lytep President FKJGP Jaintia Hills Zone, u DS War Chief Organising Secretary FKJGP Jaintia Hills Zone.

Baroh ki nongkren ki pynpaw ka jingsngew kmen kaba khraw namar ka jingwan pynïasoh ki rangbah bad ki samla bad ka seng.

Ïa ki nongkitkam ba thymmai jong ka Laskeiñ Circle la pyntian smai da u Dondy C. Khongsit General Secretary seng kmie.

Ki Nongkitkam jong ka FKJGP Laskieñ circle
President: Melamlynti Sumer
Vice president: Pynshaitbor Syngkon.
General Secretary: Kyntumiki Manar.
Asst secretary: Victorson Lamare.
Organising secretary: Peter Ram Sutnga.
Information secretary: Kermiki S.Passah.
Education secretary: Chiborlang Passah
Agriculture secretary: Pyndapbor Sumer.
Disciplinary secretary: Miky John Sayoo.
Sport secretary: Wimisonroy Lyngdoh.
Asst. Sports secretary: Roiwanki Evan Rabon.
24 ngut pat kum ki dkhot.