Iasoh Congress u nongialam ka NPP bad kiwei na Sutnga Saipung

Syllad | The Rising MeghalayaJanuary 5, 2023

U Ma Thicklang Chyrmang u president ka National Peoples’ Party (NPP) 5-Sutnga Saipung Constituency ula pynbna ba ula pyniasoh ialade sha ka Congress party haka sngi Palei.

Da kane ka jingpyniasoh u ma Thicklang kidon kiwei ruh ki dkhot ka NPP bad na kiwei kiwei ki party kiba la rai rung sha ka Congress ban kyrshan ia u ma Vincent H Pala president MPCC uba long ruh u kyrtong MLA na Sutnga Saipung Constituency.

U President MPCC u Ma Vincent H Pala un pdiang burom ia kine ki dkhot sha ka iing ka sem ka Congress lashai ka sngi Thohdieng haka jingialang ka Block Congress Committee kaban long ha Lamyrsiang kaba dei ka shnong u ma Pala ha ka por 10 baje mynstep.

Kane ka jingialang kan kynthup iaki MDC Constituency ka Sutnga, katta ka Sutnga Narwan, Sutnga Nongkhlieh bad ka Sumer. Ha kane ka jingialang kan don ruh ka jingpynrung dkhot bad ka jingiakren na ka bynta ban pynkhlain iaka party Congress ha kane ka thain.