Iashimbynta ki 32 SHGs ban pynkhuid iaka jaka jngoh kai ha Cham Cham

Syllad | The Rising MeghalayaFebruary 10, 2021

Ki 32 tylli ki Self Help Group kiba hap hapoh ka jingpeit jong ki ar tylli ki Village Organisation kiba kynthup ka Nangkiew Shaphrang VO bad ka Iaseiñlang VO Cham Cham, East Jaintia Hills District haka sngi ba Ar kila pynlong iaka jingpynkhuid shnong naduh Cham Cham shaduh Sahksaw bad Rynji Falls kiba long ki jaka jngoh kai kiba khring bha iaki nongwai kai suwari na kylleng.

Ka VO Cham Cham kala kyntu ia baroh ki nongshong shnong bad ki dkhot VO ban long kiba leh khuid.

Manla uwei pa uwei u nongshong shnong naduh ki khynnah haduh ki rangbah khnang ngi dei ban don ka jingkitkhlieh ban buh thong ban pynlong iaka shnong ka thaw kaba khuid kaba suba namar ba ka jinglehkhuid kaba kaba kongsan bha haka jingim briew, la ong kine ki ar tylli ki VO.