Iashim bynta ka BJYM bad ka BJP Mahila ban pynkhuid ia ka Khyndailad

Syllad | The Rising MeghalayaAugust 14, 2023

Ka Bharatiya Janata Yuva Morcha ha ryngkat ka jingiatreilang bad ka Mahila Morcha bad Shillong city district jong ka BJP haka sngi Saitjain ki la pynlong ka jingpynkhuid paidbah ha Khyndailad bad ha u mot sah kynmmaw ia ki shipai ha motphran kum shi bynta na ka prokram ba shitaiew lynter ‘meri maati mera desh campaign’ ne kaba mut ‘ka khyndew jong nga, ka ri jong nga’ ba la pynlong ha kylleng ka ri India baroh kawei.

Shibun tylli ki prokram la pynkreh da ka seng BJP bad ki tnat treikam jong ka na ka bynta baroh shitaiew ia kaba yn sa pynkut ha ka 15 tarik kaba dei ka sngi rakhe ia ka jinglaitluid ka ri da ka jingpynher ia ki lama ka ri ha ki tnum iing bad kan sa don ruh ia ka jingthung ia ki tynrai dieng kum ka dak sah jingkynmmaw ia ki riewshulr ka ri kiba la aiti la ka jingim na ka bynta ban pynioh ia ka jinglaitluid.