Iarap lanot pluh ding ka JSU ha Ummulong

Syllad | The Rising MeghalayaNovember 22, 2021

Ka Jaintia Students’ Union (JSU) kala ai jingiarap sha ka longiing kaba iakynduh iaka jingjia kaba sngewsih naka jingpluh ding haka shnong Ummulong, West Jaintia Hills District.

Kumban shu pynkynmaw kane ka jingjia pluh ding kala jia haka Sngi U Blei ha kaba ki ar ngut ki shipara kila duh ei iaka jingim jong ki haka por ba ka kmie jong ki, ka Kong Mansuk Challam ka leit saitjain.

Kum ka dak ban sngewlem, ka JSU central body bad JSU Moodymmai Unit kaleit jngoh ia kane ka longiing bad iarap da ka song pisa. Ka JSU ka phah iaka jingsngewlem ia kane ka longiing bad sha baroh kiba ieit ba thoin ka longiing.

Ka JSU kala kyntu ia ki paradoh parasnam ban kner la kti jingiarap sha kane ka longiing kaba la duh luit khoit iaka iing ka sem bad u kba u khaw.