Ïap iwei i khynnah na ka pluh ding ha Bakur

Syllad | The Rising MeghalayaFebruary 20, 2021

Ka ding kaba la klang jur bha haka step sngi Saitjain kala bam shngiam ia kawei ka iing ha ka shnong Bakur bad iwei i khynnah ba dang saw snem ka rta ila duh ei iaka jingim ha kane ka jingjia.

Kane ka iing ka dei jong i Kong Jesinta Gayang bad ine i khynnah ba khlad i dei i khun ksiew jong ka.

U waheh chnong Bakur, Daniel Khongsit ula ïathuh kane ka jingjia ka la jia haka por kumba 3:00 baje eiei. Ki briew ba don ha katei ka iing kila kyndit haka por ba klang jur bha ki tylliej ding bad ym shym la lah satia ban tem iaka ding.

Halor kane ka jingjia u Waheh Shnong ka Bakur ula pynpaw ka jingsngewsih kaba khraw bad phah ruh ka khubor sngewlem sha kane ka longiing bad ha kajuh ka por ula kyntu ïaka sorkar Jylla. u MLA ka thaiñ ban ïarap ia kine ki lanot pluh ding.