Iap 6 ngut ki pulit Assam haka jingkhajia ha khappud Mizoram, bthei ki bom bad ktang suloi

Syllad | The Rising MeghalayaJuly 26, 2021

Mynta ka sngi kala mih ka thma iakhajia pud hapdeng ka jylla Mizoram bad Assam haduh bala poi u pud ban iasynreit kuli mar kylliang kaba la wanrah ka jingiap kumba 6 ngut ki pulit Assam.

Ka tyllong khubor ka iathuh bun ngut kila mynsaw ha kane ka jingjia hadien bala mih kane ka jingiakynad hadpeng ki pulit Mizoram bad ki nongshong shnong ka Assam ha Lailapur, Cachar.

U SP Cachar Nimbalkar Vaibhav Chandrakant bad u officer in charge ka Dhalai police station ruh kila mynsaw ha kane ka jingiasynreit kuli.

Baroh kiba mynsaw la kit sha Silchar Medical College Hospital (SMCH) ban ioh jingsumar.

Ka khubor ka iathuh ba ki pulit jong ki ar jylla kila don lypa sha katei ka jaka kaba iakynad ha Lailapur, Assam Cachar district, kaba iasam pud bad ka jylla Mizoram Kolasib district.

Ka jingjia mynta ka sngi kala wanrah ka jingshongsyier ki ar jylla.

I am deeply pained to inform that six brave jawans of @assampolice have sacrificed their lives while defending constitutional boundary of our state at the Assam-Mizoram border.

My heartfelt condolences to the bereaved families.

— Himanta Biswa Sarma (@himantabiswa) July 26, 2021

Na kaliang ki Assam police kila kynnoh ba ki paid bhur na Mizoram kila lun maw bad wanrah iaka jinghuri hura.

Katba na kaliang ka Mizoram kala kam ba ki paidbah na Assam kila thombor ia ka kali jong ki shijur kiba iaid lyngba ka surok bah Vairengte bad Lailapur.

Shuh shuh ka khubor kaba la pyllait u myntri kam pohiing ka Mizoram, Lalchamliana ula ong ba kumba 200 ki pulit Assam kaba ialam da u IGP, Assam Police ha ryngkat DC, Cachar, SP, Cachar bad DFO, Cachar kila wan Vairengte Auto-rickshaw stand haka por 11:30 a.m.

Ula kynnoh ba ki Pulit Assam kila thombor iaka jaka ap pahara ki shipai CRPF bad Pulit Mizoram. La kynnoh ba ki Assam pulit kila pynjulor ruh iaki katto katne ki kali ba iaid lyngba ka surok bah Vairengte bad Lailapur.

Clear evidences are now beginning to emerge that unfortunately show that Mizoram Police has used Light Machine Guns (LMG) against personnel of @assampolice. This is sad, unfortunate and speaks volumes about the intention and gravity of the situation.

— Himanta Biswa Sarma (@himantabiswa) July 26, 2021

Ha kum kane ka por ki paidbah ka Vairengte, Kolasib District kila hiar mar mar sha katei ka jaka na iakhajia, hynrei kila shah thombor ha ki pulit Assam da ki lathi bad shah synreit lyer pynsat khmat.

U  Myntri kam pohiing ka Mizoram ula ong ba u SP, Kolasib bad u Executive Magistrate kila iakynduh iaki pulit Assaam, hynrei na kaliang ka Assam kala leh bymsuidniew.

Hadien bym poi shaei shaei ki Pulit Assam kila ther lyer pynsat khmat, grenade sha ka pulit Mizoram bad haka 4:50 kala don ka jingsynreit kuli na ki pulit Assam, la kynnoh u Myntri kam pohiing ka Mizoram.

Ula ong ba ki pulit Mizoram ruh kila pynphai kylla wat hadien ba u SP, Kolasib District u dang don ha CRPF camp ban iakren bad ki pulit Assam.

Dear Himantaji, after cordial meeting of CMs by Hon’ble Shri @amitshah ji, surprisingly 2 companies of Assam Police with civilians lathicharged & tear gassed civilians at Vairengte Auto Rickshaw stand inside Mizoram today. They even overrun CRPF personnel /Mizoram Police. https://t.co/SrAdH7f7rv

— Zoramthanga (@ZoramthangaCM) July 26, 2021

Ka jingjia kalong kaba sngewsih, bad kane ka jingjia naka daw ba lehheh ki pulit Assam kiba la thombor iaka camp ki CRPF bad Mizoram Police ha Vairengte Auto-Rickshaw stand.

La ong ba da ka jingtuklar Union Home Minister uba la kren sha baroh ar ki Chief Ministers, ki pulit Assam kila hap mih na katei ka jaka bad CRPF kila ioh biang iaka jaka pahara jong ki.

Ka sorkar Mizoram kala pynrem jur iaka sorkar Assam bad pynpaw iakla jingsngewlem sha kiba mynsaw ha kane ka jingjia.

Ka Sorkar Mizoram ka kwah ban lah ban pynbeit ia pud u sam da kaba suk kaba sain bad ka kyntu iaka sorkar Assam ban wanrah iaka shongsuk shongsain ban lah ban pynbeit ia u pud u sam.