Ialap iakhun pyrshah ka skul Tep Kyndait Govt UP Skul iaka duma
Ki khynnahk skul jong ka Tep Kyndait Government UP School, Tuber Kmaishnong haka 8 tarik Jymmang, ki la mih sha surok ban ialap iakhun pyrshah iaka jingdih bad jingbam duma, kum ka dak ban rakhe ia ka ‘World No Tobacco Day 2024’.
La sdang ia ka jingiaid paidbah naduh na phyllaw iing skul sha baroh kawei ka shnong Tuber bad ki bynta jong ka National Highway, ha ka jingialam jong u Babu Ribait oo Pde ha ryngkat ka jingiadonlang u headmaster, ki nonghikai bad ki nongtrei jong ka skul baroh.
Ki khynnah jong ka skul, ki la iawer lang ia ki kmie ki kpa bad ruh ia ki nongshong shnong da kaba pyrta “Say No To Tobacco”. La tah ruh ia ki dur kot baheh sha ki kynroh jong ki surok, ki ba lathoh “U Duma un ym ktah tang iaphi marwei, hynrei u ktah ia baroh ki badon ha syndah jongphi”.
Ki paidbah nongshong shnong ka Tuber Kmaishnong kila ai mynsiem ia ki khynnah bad ka skul hi baroh kawei ban iakhun pyrshah iaka jingsniew u duma.
Facebook
Instagram
Youtube
Twitter
Leave a Reply