Ïabit khlam COVID-19 thymmai 269, khlad 5 ngut kiew ka jingiap sha ka 785

Syllad | The Rising MeghalayaJune 21, 2021

Mynta ka sngi ka jingdon jong ki briew kiba iabit khlam thymmai kala hiar shaduh 269 hapoh kine ki 24 kynta bad kiba iap na ka jingpang COVID-19 ki don 5 ngut. Da kane ka jingkhlad biang sa 5 ngut ka Jylla Meghalaya kala kynjoh ka jingiap khlam sha ka 785 ngut

Kine kiba khlad sa 5 ngut ki dei na East Khasi Hills District: 03 bad mar iwei na Ri Bhoi bad West Jaintia Hills District.

Kat kum ka jingpyntip ka Tnad ka Koit ka Khiah, sa 269 ngut ki briew kila ïabit thymmai ïa kane ka jingpangkhlam bad kiba dang shitom ne ki active case kala hiar sha ka 4196 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 12, EJH: 05, EKH: 120, NGH: 10, RBD: 57, SGH: 00, SWGH: 02, SWKH: 02, WGH: 13, WJH: 42 bad WKH: 06.

Ki nongpang kiba la ioh pat iaka jingkoit ki don haduh 655 ngut. Kine ki kynthup na EGH: 20, EJH: 19, EKH: 238, NGH: 21, RBD: 46, SGH: 06, SWGH: 20, SWKH: 77, WGH: 97, WJH: 83 bad WKH: 28.

Ka jingdon jong ki briew bala ïabit ïa kane ka jingpang khlam ha Jylla baroh ka long 45555 ngut bad napdeng kine 40574 ngut kila ïoh ïa ka jingkoit bad 785 ngut kiba ïap nalor ki briew ba dang shitom.