Hukum u DC Khliehriat iaki trai dewiong ban pynlang bad pynkhuid um dewiong

Syllad | The Rising MeghalayaJuly 6, 2020

U Deputy Commissioner, East Jaintia Hills District u pyntip paidbah ba u Chairman ka National Green Tribunal (NGT) Committee u la bthah ia baroh ki trai dewiong ba ia u dewiong bala dep lum jingkhein (assessed) bad ruh kito ki dewiong bala lum thup shijaka ha baroh ka District ki dei ban pynthikna ba ka um dewiong kam dei ban tuid sha ki um ki wah, ki tyllong um bad ki jaka rep.

Ki trai dewiong ki dei ban da tih sawdong ia ka jaka buh dewiong da ka nala um khnang ba ka um dewiong kan nym tuid sha ki wahduid, ki wah, ki jaka rep, ki tyllong um bad kiwei kiwei de.

Katkum ka hukum u DC East Jaintia Hills la hukum iaki trai dewiong ba kidei ban tap da ka tarpaulin ia u dewiong ba la lum thup khnang ban lait na ka jingtuid pathar ka um dewiong. Ki dei ruh ban shna ia ki jaka pynlang um (storage tank) ban tuid ka um na ka jaka lum dewiong bad ban pynkhuid ia ka um bala pynlang da ki dawai.

U Deputy Commissioner u la bthah ia baroh ki Waheh shnong, trai deiwiong, trai par ba kidei ban bud ryntih bad ban pynbiang ia kine ki nala bad bad pynthikna ba ka um dewiong kan nym tuid sha ki tyllong um bad ki jaka rep.

Bthah u DC East Jaintia Hills ban ker iaki krem dewiong ba hap & khlad ki mynsiem briew

Ki dorbar shnong ki dei ban pynbna ia ki kyndon ba dei ban bud da baroh bad ruh ban submit iaka report shapoh Office ia ki kyrteng ki trai jaka, trai dewiong, trai par dewiong ki bym kohnguh ia ka jingbthah jong ka National Green Tribunal (NGT) Committee.