Her ki lama ïong haka jingialap elekshon ka NPP

Syllad | The Rising MeghalayaFebruary 16, 2019

SHILLONG: Ka kynhun jong ki sengbhalang na West Khasi Hills District kila pynher da ki lama iong bad ki jingthoh pyrshah ïaka sorkar MDA halor ka jingpheil jong ka ban pynbeit ïa u pud u sam ka Jylla Meghalaya bad ka Assam haka jingïalap elekshon ka NPP mynta ka sngi ha Nongstoin.

U Symbud Myntri Rangbah ka Jylla u Prestone Tynsong ula hiar sha Nongstoin, West Khasi Hills District naka bynta ban ialap elekshon haki ar tylli ki konsil ka ban long haka 27 tarik une u bnai.

Phewse ula shah rah da ki lama iong ha ka kynhun sengbhalang ba kynthup ïaka Hynniewtrep Youth Council (HYC), West Khasi Hills Students’ Union (WKHSU), Western Youth Federation (WYF), Hynñiewtrep Achik National Movement (HANM) kiba pynpaw ka pyrshah jur halor ka jingïakynad ki nongshong shnong bad ki pulit Assam ha shnong Umwali kaba don hajan ka Langpih, ka shnong khappud Meghalaya Assam ha ki khyndait sngi.

Ha kane ka jingjia bun ngut ki nongshong shnong kila mynsaw kynthup ïaki longkmie haka jingshah kawut lathi kulmar u pulit Assam.

U Bah Tynsong haka jingialap elekshon jong u; ula ong b aka NPP kan pynthikna ban mynjur ban pynlong aiñ ïaka  Village Administration Bill kaba la mynjur da ka Khasi Hills Autonomous District Council (KHADC). Kane ka bill ka dei ban pynkup bor ïaki nongialam shnong, hynrei haduh mynta ka dang sahteng ban ïoh ka ijingmynjur u Lat ka Jylla.

Ula iaroh ïa u Myntri Rangbah ka Jylla Conrad K Sangma ba u shimkhia ban pynbor ïaki party bapher bapher ha sorkar pdeng ban pyrshah ïaka Citizenship Amendment Bill (CAB). “Ngi donbok ban ïoh kum une (Conrad) u nongmihkhmat uba la lah ban wanrah ka jingïatylli ki jylla ha ka thaiñ shatei Lammihngi”, la ong u Tyngsong bad kyrpad ïa u paidbah ban kyrshan ïaka NPP ha kane ka elekshon ban wan.

Photo:Contributed