Haka minit kaba khatduh jop ka Diengshynrum iaka Shilliang Umshong; rah iaka nam lahduh 1st Division Football Tournament ka EJHDFA

Syllad | The Rising MeghalayaNovember 23, 2024

Ka kol kaba mih paw haka minit kaba khatduh kaba la thep da u Diamond Sympli (90+2) na ka bynta ka Diengshynrum kala pynlong iaka ban jop da 1-0 pyrshah iaka Shilliang Umshong bad rah syndon iaka nam lahduh haka 1st Division Football Tournament kaba pyniaid da ka East Jaintia District Football Association (EJHDFA).

Kane ka jingiakhun final kala long haka 23 tarik Naiwieng ha madan artificial turd ka EJDSA ha Diengshynrum.

Ka jingiakhun hadpeng kine ki arliang mamla kala long kaba iaryngkat bor bad iathain kaba la pynshongshit shi katdei eh iaki paidbah kiba wan sakhi ia kane ka jingialehkai.

Baroh ar kynhun kila pyrshang ban ialeh tyngeh ban ioh khyrwit kol, hynrei ka Diengshynrum ha ki minit kiba khatduh khamtam na u Diamond uba la ioh iaka kabu ksiar kaba paka bha khlem pynlehnohei ula thep ia kane ka kol kaba wat u nongap kol ruh um shym la lah satia ban kyrda iaka kaba la biang pura iaka ban rah iaka nam lahduh mynta ka aiom.

U kongsan uba la wan ban pynhap pyrda ia kane ka lympung u dei u Tiwfull Shadap haka jingiadonlang ryngkat Delmi Shylla kum u symbud kongsan, u Ma Finelyness Bareh (EM JHADC), Kor Sympli, Kerlang Ksoo (Advocate) bad ki Waheh Shnong na ki bynta bapher jong ka District East Jaintia.

Ia ka khusnam Player of the Match la ioh khur da u Fadical Pohshna (Diengshynrum SC), Player of the Tournament: Josme Ryngkhlem (Wahiajer Narpuh YSSC), Goalkeeper of the Tournament: Yoomeki Dkhar (Shilliang Umshong SC), Top Scorer of the Tournament: Henjoymang Khongsai (Shilliang Umshong SC) – 8 kol, Goal of the Tournament: Hikaidame Bareh (R. Synrang Shahkhain SC). Ka nam Best la ioh rah da ka Wahiajer Narpuh YSSC.