Haduh T. 44.38 klur ioh kurup ka Tnat pyniaid ilekshon ka Jylla

Syllad | The Rising MeghalayaApril 18, 2024

Ka Tnat Election Commission ka Jylla Meghalaya ka la ioh ban kurup haduh kumba T.44,38 klur na ki bynta bapher bapher ka Jylla, kata naduh shwa ka jingpynlong ia ka Lok Sabha Ilekshon ka ban long lashai ka sngi 19 tarik Iaiong 2024.

Na kane, T.33.45 klur la ioh ban kurup naduh shwa ban pyntreikam ia ka Model Code of Conduct bad T.10.93 klur ha ka por ba la pyntreikam ia ka MCC, kata haduh hynne ka sngi Palei, ong u Chief Electoral Officer (CEO) u Dr BDR Tiwari lyngba ki lad pathai khubor haka 18 tarik Iaiong.

U la ong ruh ba ki la don sawtylli ki jingujor ejahar ha ka jingiadei bad ki kam ialap ilekshon haduh ka 17 tarik mynta u bnai. Nalor kata u la ong ruh ba ki la ioh pdiang 67 tylli ki jingujor lyngba ka NGSP portal bad 9 tylli ki C-vigil case la lah ban pynkut noh.

Shuh shuh u la ong ba ki don 1,619 ngut ki briew kiba la shah pynngat ha ki kyndon bapher bapher jong ka CrPC, bad ki don 12,912 tylli ki tiar siat kiba la wan ban pyndem 773 la pyllait da ka committee ba la thung kyrpang.