Haduh 11 kilo tam ioh khwai u samla haka jingiakop khwai ha Jowai

Syllad | The Rising MeghalayaAugust 28, 2024

Uwei u samla uba kyrteng Pynchemlad Suchiang ula ioh khwai iaka dohkha bah (common carp) kaba khia haduh 11.71 kg haka jingiakop khwai kaba la pynlong haka pung dohkha jong i Dr. BS Challam and Family Ri Dakha Khwe Fishing Resort kaba don ha Musoo, Pynthorwah, Syntu Ksiar Jowai haka 25 tarik Nailar.

Une rawon da ka jingioh khwai ia kane ka dohkha bah kaba khia haduh 11 kilo tam ula kylla long u namtam bad rah iaka song pisa kaba T.1 lak.

Ka khusnam kaba ar T.30 hajar kala leit sha u Wancha Challam uba ioh khwai iaka dohkha kaba khia 3.670 Kg bad ka nam balai T.10 hajar la rah da u Dolan Dkhar uba ioh khwai iaka dohkha kaba khia 2.70 kg.

Nalor kine ki lai ngut ki nongjop, la sam ruh haduh 17 tylli ki consolation prize kaba mar 2 hajar tyngka.

U kyrwoh na ki trai pung kila iathuh ba ka pung ri dohkha kaba don ha Umchangpung, Pynthorwah la sdang iaka kam khwai naduh ki snem 2010.

Nyngkong la pynlong iaka jingiakop khwai tang ban pynbyrngia bad ban ioh rah sha iing, hynrei dang ha kine ki khyndiat snem la pynlong iaki jingiakop haduh kine ki sngi bad mynta ka kynti ka dei ka sien kaba nyngkong eh ban ioh khwai ia kane ka dohkha bah kaba khiah haduh 11.71 kg.