Download ka app cVigil ban ujor sha ka ECI

Syllad | The Rising MeghalayaMarch 10, 2019

JOWAI: Phi la ngiah phi la kdang ban peit ia ka jingsam pisa por elekshon, ia ka jingpyntreikam sop sop ki skim marsien pynbna ia ka elekshon ne ka jingpyndonkam beaiñ ia ki kali sorkar ha ka por elekshon da ki minister, ka jingpyni bor da ki briew minister ne kino kino ki jingpynkhein ia ka code of conduct lada phi ujor lyngba kane ka apps.

Hynrei mynta phi don ka bor bad iktiar kaba khlain duh ban iakhun pyrshah ia ka jingpynbam pisa da ki kyrtong ne nongialam jong ki ia ki nongthep ne kano kano ka jingpynkhein ia ka code of conduct ha kane ka elekshon Lok Sabha bad tang lyngba ka phone phi lah ban ujor ha une citizen’s vigilant app ne cVigil.

Ki paidbah ki lah ban download ia utei u app cVigil ha ki mobile phone jong ki bad ki la ban ai jingujor pyrshah ia ka jingpynkhein ia ki code of conduct sha ka Election Commission of India, iathuh u Chief Electoral Officer Bah Fredrick Kharkongor, IAS mynta ka janmiet.

U la iathuh ba ki kyrtong ban iakhun ia ka elekshon kin hap ban ai ki whatapps, ki facebook bad ki twitter ne kino kino kiba ki leh haka social media bad ka Election Commission ka shimkhia bha halor ka jingpynsahphriang ki khubor lamler bad kan khmih bha ia ka jingpyndonkam jong ki social media ha ka por eleshon.

Ha ka liang jong ki pulit, la thaw ia ka cyber cell kaba kyrpang da kaba khlieh da u AG ne SP khnang ban khmih bniah ia ka rukom pyndonkam ia ki social media bad ia ki jingtip ba saphriang ha social media.

U la iathuh lashai ka sngi kan don ka jingiakynduh bad ki DC lyngba ka video conferencing bad ki seng sain hima sima ha ka por nohphai ban iakren halor ka model code of conduct.

U Bah Kharkongor u la ong ba ka sorkar jylla kan nym lah ban pynbna ki skim bathymmai ne ki prokram bathymmai ha ka Budget session lait noh ia ka jingpynlut pynsep kaba donkam

U la ong ba na bynta ki briew Persons with Disabilities (PwDs) yn ai ia ki Accessible Photo Voter Slips ryngkat ki Braille ia ki nongthep vote bad matlah ne duna bor iohi bad ha jylla ki don haduh 4932 ngut ki nongthep vote kiba dei PwDs.