Dawa ka KSU & FKJGP naka sorkar ban ailad ban shalan ia u dewiong lilam

Syllad | The Rising MeghalayaOctober 14, 2020

Ki ar tylli ki sengbhalang na East Jaintia Hills District ba kynthup ka Khasi Students Union (KSU) Khliehriat Circle bad ka Federation of Khasi Jaintia and Garo People East Jaintia Hills (FKJGP) hadien ba kala ioh ioh shibun ki jingujor na ki paidbah jong ka East Jaintia Hills District halor ka jing bym iohlad jong ki ban shalan ia u dewiong uba la dep thew (Auction Coal) kala kyrpad iaka sorkar ban ailad iaki nongkhaii ban shalan ia une dewiong

Kine ki ar tylli ki seng kila ong ba kine ki nongkhaii dewiong ki kynduh jingeh namar ba watla ki don iaki challan hynrei kim ioh ban shalan dewiong.

“Kumba ka long mynta ki paidbah ha East Jaintia Hills District ki iakynduh jingeh bha khamtam naduh ba wan jia kane ka khlam covid-19 kaba la ktah haduh katta katta ia ka ioh ka kot namar ka jingkyrduh kam  jong ki paidbah khamtam kito kiba trei bylla sngi.

Te lada ka sorkar kan ailad ban khaii ia une u dewiong (auction) kan long ka jingmyntoi bad jingkyrkhu kaba khraw ia ki paidbah ha kum kane ka por ba ki paitbah ki kyrduh kam.

Ka sorkar ka la dep tip ba naduh ba ka National Green Tribunal ka la khanglad ban tih bad shalan ia u dewiong hapoh kane ka jylla jong ngi ka la ktah haduh katta katta ia ki paidbah jong ka East Jaintia Hills District  namar ki paitbah ha kane ka district ki dei kiba ju im ja kpoh da kaba tih bad shalan dewiong, la ong u kyrwoh bala phah da u pesident FKJGP-EJH, M Suting bad u General Secretary KSU-KC Cherity Suja.

“Halor kane ka jingujor ba ngi la ioh na ki paidbah,ngi ki ar seng (KSU-KC & FKJGP-EJH) ngi dawa na ka sorkar ba ka dei ban ailad noh ia kito ki nong khaii dewiong baroh kito kiba la don ia ka chalan ba kin pyniaid iew ia u dewiong,” la ong ka kyrwoh u pesident FKJGP-EJH, M Suting bad u General Secretary KSU-KC Cherity Suja